AFM-ը վերլուծել է 2026թ․ փետրվարին գործող օնլայն վարկերը․ միջին արդյունավետ տոկոսադրույքը՝ 21,37% է

AFM-ի թիմը վերլուծել է Հայաստանի բոլոր բանկերի օնլայն վարկերի պայմանները՝ 2026 թվականի փետրվարի 20-ի դրությամբ։ Ըստ AFM-ի փորձագետների հաշվարկների համաձայն՝ շուկայում միջին արդյունավետ տոկոսադրույքը կազմում է 21,37%։

Նվազագույն ցուցանիշը 16,08% է, առավելագույնը՝ 24%։

Ամենացածր տոկոսադրույքը

Շուկայում ամենացածր արդյունավետ տոկոսադրույքը գրանցվել է AMIO Bank-ում՝ սկսած 16,08%-ից։

Մրցունակ տոկոսադրույքներ առաջարկում են նաև.

1. Inecobank-ը՝ սկսած 17,26%
2. Converse Bank-ը՝ սկսած 16,7%

Ամենաբարձր տոկոսադրույքը

Շուկայում առավելագույն արդյունավետ տոկոսադրույքը կազմում է 24%՝ IDBank-ի Rocket Line վարկատեսակի դեպքում։

Առավելագույն սահմանին մոտ ցուցանիշներ ունեն նաև․

1. Converse Bank-ը՝ մինչև 24%
2. VTB Bank (Armenia)-ը՝ մինչև 23,9%

Առավելագույն վարկային սահմանաչափը

Օնլայն վարկերի շրջանում ամենաբարձր առավելագույն սահմանաչափն առաջարկում է Ameriabank-ը՝ մինչև 20 000 000 ՀՀ դրամ։

Մինչև 15 000 000 ՀՀ դրամ սահմանաչափ հասանելի է․

1. AMIO Bank-ում,
2. Inecobank-ում։

Վարկավորման ժամկետները

Բանկերի մեծ մասն առաջարկում է օնլայն վարկեր մինչև 5 տարի ժամկետով։

Բացառություն են կազմում որոշ ծրագրեր՝ մինչև 3 տարի ժամկետով, դրանք են՝

1. Converse Bank-ը,
2. Armeconombank-ը։

Ի՞նչ է ցույց տալիս AFM-ի վերլուծությունը

Օնլայն վարկերի շրջանում արդյունավետ տոկոսադրույքների տարբերությունը կազմում է գրեթե 8 տոկոսային կետ։ Նույն գումարի դեպքում սա կարող է զգալիորեն ազդել ընդհանուր գերավճարի վրա։

Ուստի առցանց վարկ ընտրելիս կարևոր է համեմատել՝

1. արդյունավետ տոկոսադրույքը,
2. առավելագույն սահմանաչափը,
3. վարկավորման ժամկետը,
4. հաստատման պայմանները։

Օնլայն վարկերի և այլ բանկային պրոդուկտների վերաբերյալ արդիական տվյալներն AFM հարթակում թարմացվում են ամեն օր։