Տարադրամի փոխարժեքները Հայաստանում

Արժույթի փոխարժեքն ամեն օր փոխվում է, և հենց դրանից է կախված, թե որքան կստանաք օտարերկրյա արտարժույթ գնելիս կամ վաճառելիս։ Արժույթի փոխարժեքը Հայաստանում այսօր տարբեր բանկերում տարբերվում է 1–3%-ի սահմաններում՝ կախված փոխանակման ուղղությունից և եղանակից։

Առավել տարածված է ԱՄՆ դոլարի, եվրոյի և ռուսական ռուբլու փոխանակումը ՀՀ դրամով։

Գոյություն ունի ԿԲ կողմից սահմանված արժույթի միասնական փոխարժեք, բայց քանի որ բանկերն առևտրային կազմակերպություններ են, նրանք կարող են աշխատել իրենց արժույթի գնանշումների հիման վրա։

Մեծ դեր է խաղում արժութային գործարքների ծավալների տարբերությունը, արժույթի առքուվաճառքի մարժան և բանկի ներքին քաղաքականությունը (օրինակ՝ արդյո՞ք կան լոյալության համար տրվող անհատական պայմաններ)։

Նաև փոխարժեքի վրա ազդում է իրավիճակը միջազգային շուկայում, հատկապես դոլարի կամ եվրոյի կտրուկ տատանումների դեպքում։

Շահավետ փոխարժեք գտնելու և ավելորդ վճարներից խուսափելու համար հետևեք այս կանոններին՝

• Համեմատե՛ք արժույթի փոխարժեքներն առցանց։
• Ընտրե՛ք արժույթի փոխանակման եղանակը՝ առցանց կամ բանկի մասնաճյուղում։
• Պարզե՛ք՝ կա՞ արդյոք տարբերություն դրամարկղի և առցանց բանկինգի փոխարժեքի միջև։
• Հստակեցրեք՝ արդյո՞ք գանձվում են միջնորդավճարներ ընտրված փոխանակման եղանակի դեպքում։
• Մեծ գումարներ փոխանակելիս ճշտեք պայմանները նախապես, քանի որ որոշ դեպքերում բանկերը կարող են անհատական փոխարժեք տրամադրել, և համոզվեք, որ մասնաճյուղում առկա է անհրաժեշտ գումարը։

Արժույթի փոխարժեքների փոփոխությունները վերահսկելու համար օգտվե՛ք տեղեկատվության հետևյալ աղբյուրներից՝

• ՀՀ ԿԲ պաշտոնական կայքը,
• բանկերի կայքերը, քանի որ այստեղ արտացոլվում են արժույթի փոխանակման արդի առաջարկները,
• մոնիթորինգային հարթակներ, որտեղ կարելի է մի քանի բանկերում միանգամից համեմատել արժույթի փոխարժեքները Երևանում և ողջ Հայաստանում,
• բանկերի բջջային հավելվածներից, որտեղ նույնպես կարելի է հետևել արժույթի փոխարժեքներին առցանց։

Արժութային գործարքներ կանոնավոր կատարելու դեպքում պետք է ուշադիր հետևել փոխարժեքի փոփոխություններին և տնտեսական վիճակին, որպեսզի ոչ միայն խնայեք, այլ նաև օգուտ ստանաք։